2015 jylǵy 12 mamyr, Astana qalasy
«Aýmaqty aımaqtarǵa bólý erejesin bekitý týraly» Qazaqstan Respýblıkasy Aýyl sharýashylyǵy Mınıstriniń mindetin atqarýshynyń 2009 jylǵy 31 jeltoqsandaǵy № 767 buıryǵyna ózgeris engizý týraly
buıyramyn:
1. «Aýmaqty aımaqtarǵa bólý erejesin bekitý týraly» Qazaqstan Respýblıkasy Aýyl sharýashylyǵy mınıstriniń mindetin atqarýshynyń 2009 jylǵy 31 jeltoqsandaǵy № 767 buıryǵyna (Normatıvtik quqyqtyq aktilerdi memlekettik tirkeý tiziliminde № 6027 bolyp tirkelgen, 2010 jylǵy 7 shildedegi № 10 Qazaqstan Respýblıkasynyń ortalyq atqarýshy jáne ózge ortalyq memlekettik organdarynyń aktiler jınaǵynda jarııalanǵan) mynadaı ózgeris engizilsin:
kórsetilgen buıryqpen bekitilgen Aýmaqty aımaqtarǵa bólý qaǵıdalary osy buıryqqa qosymshaǵa sáıkes jańa redaksııada jazylsyn.
2. Qazaqstan Respýblıkasy Aýyl sharýashylyǵy mınıstrliginiń Veterınarııa jáne tamaq qaýipsizdigi departamenti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Aýyl sharýashylyǵy mınıstri A.MAMYTBEKOV
Qazaqstan Respýblıkasy Aýyl sharýashylyǵy mınıstriniń
2015 jylǵy 12 mamyrdaǵy № 7-1/431 buıryǵyna qosymsha
Qazaqstan Respýblıkasy Aýyl sharýashylyǵy mınıstriniń mindetin atqarýshynyń 2009 jylǵy 31 jeltoqsandaǵy № 767 buıryǵymen bekitilgen
Aýmaqty aımaqtarǵa bólý qaǵıdalary
1. Jalpy erejeler
1. Osy Aýmaqty aımaqtarǵa bólý qaǵıdalary (budan ári – Qaǵıdalar) «Veterınarııa týraly» 2002 jylǵy 10 shildedegi Qazaqstan Respýblıkasy Zańyna (budan ári – Zań) sáıkes ázirlendi jáne aýmaqty aımaqtarǵa bólýdiń tártibin aıqyndaıdy.
2. Qaǵıdalar oblystardyń, respýblıkalyq mańyzy bar qalalardyń jáne astananyń jergilikti atqarýshy organdaryna, veterınarııa salasyndaǵy ýákiletti organnyń vedomstvosyna, sondaı-aq qyzmetteri belgilengen aımaqtar aýmaǵynda júzege asyrylatyn jeke jáne zańdy tulǵalarǵa qoldanylady.
3. Aýmaqty aımaqtarǵa bólý «Veterınarııa salasyndaǵy normatıvtik quqyqtyq aktilerdi bekitý týraly» (Normatıvtik quqyqtyq aktilerdi tirkeý tiziliminde № 9891 bolyp tirkelgen) Qazaqstan Respýblıkasy Aýyl sharýashylyǵy mınıstriniń 2014 jylǵy 30 qazandaǵy № 7-1/559 buıryǵymen bekitilgen Profılaktıkasy, dıagnostıkasy jáne joıylýy respýblıkalyq bıýdjet qarajaty esebinen júzege asyrylatyn janýarlardyń asa qaýipti aýrýlarynyń tizbesine (budan ári – Tizbe) engen asa qaýipti aýrýlar boıynsha júzege asyrylady.
4. Aýmaqty aımaqtarǵa bólý:
1) basqa memleketterden janýarlardyń juqpaly jáne ekzotıkalyq aýrýlarynyń ákelinýi men taralýynyń aldyn alý;
2) veterınarııalyq is-sharalardy josparlaý;
3) halyqaralyq saýdany júzege asyrý maqsatynda júrgiziledi.
5. Janýarlardyń juqpaly aýrýlarynyń taralýyna (týyndaýyna) jáne ótkiziletin veterınarııalyq is-sharalarǵa qaraı aımaqtardyń mynadaı túrleri anyqtalady:
1) qolaıly aımaq; 2) baqylaý aımaǵy; 3) býferlik aımaq; 4) qolaısyz aımaq.
2. Janýarlardyń asa qaýipti aýrýlary taralǵan (týyndaǵan) kezde aýmaqty aımaqtarǵa bólý tártibi.
6. Janýarlardyń Tizbege engen asa qaýipti aýrýlary taralǵan (týyndaǵan) kezde aýmaqty aımaqtarǵa bólý:
1) indet oshaǵyn epızootııalyq zerttep qaraý (aýrýǵa shaldyǵý deńgeıi, ınfeksııa kózderiniń, tasymaldaý faktorlarynyń, beıim janýarlardyń bolýy, indet oshaǵynyń shekarasyn zerttep qaraý, aýrýdyń taralý dárejesi jáne barysy, ınfeksııa qozdyrǵyshynyń taralý qaýyp-qateri, janýarlardyń nemese aýrýǵa shaldyǵý statýsy ártúrli tabyndardyń aımaqtar mańynda toptanýy;
2) geografııalyq erekshelikter (ósimdikter, landshaft jáne basqa geografııalyq erekshelikter);
3) basqa faktorlar (eldi mekenniń, mal sharýashylyǵy obektileriniń, janýarlardyń ornalasý tyǵyzdyǵy, ınfraqurylymnyń damyǵandyǵy, jergilikti jáne respýblıkalyq mańyzy bar trassalardyń, temir joldardyń, porttardyń, áýejaılardyń, saýda joldarynyń, óńdeý kásiporyndarynyń bolýy jáne basqa faktorlar) negizinde júzege asyrylady.
7. Aımaqtyń radıýsy ınfeksııa qozdyrǵyshynyń túrine baılanysty belgilenedi, biraq epızotııalyq oshaq tirkelgen jerdiń aınalasynan 3 (úsh) kılometrden kem bolmaýy tıis.
Aımaqtyń radıýsy osy Qaǵıdalardyń 6-tarmaǵynda kórsetilgen faktorlarǵa baılanysty ózgeredi.
8. Oblystyń, respýblıkalyq mańyzy bar qalanyń, astananyń jergilikti atqarýshy organy aýmaqty bólý týraly sheshim shyǵarǵanda:
1) 2015 jylǵy 9 aqpandaǵy Qazaqstan Respýblıkasynyń Aýyl sharýashylyǵy mınıstriniń № 7-1/86 buıryǵymen bekitilgen Shekteý is-sharalaryn jáne karatındi belgileý nemese alyp tastaý qaǵıdalaryna (Normatıvtik quqyqtyq aktilerdi memlekettik tirkeý tiziliminde № 10414 bolyp tirkelgen) (budan ári - Shekteý is-sharalaryn jáne karantındi belgileý nemese alyp tastaý qaǵıdalary) sáıkes qabyldanǵan tıisti ákimshilik-aýmaqtyq birlikterdiń jergilikti atqarýshy organdarynyń (ákimderdiń) shekteý is-sharalaryn nemese karantındi belgileý týraly sheshimin;
2) tıisti ákimshilik-aýmaqtyq birliktiń bas veterınarııalyq-sanıtarııalyq ınspektory osy Qaǵıdalardyń 6-tarmaǵynda kórsetilgen erekshelikterdi esepke ala otyryp anyqtaǵan asa qaýipti ınfeksııanyń taralý masshtabyn negizge alady.
9. Aýmaqty aımaqtarǵa bólý sheshiminde belgilenetin aımaqtardyń radıýsy jáne aımaqtardaǵy aýyldyq okrýgter (eldi mekender) ataýlary kórsetiledi.
10. Aımaqtar eki jáne odan kóp oblystardyń aýmaǵyn qamtı otyryp belgilengen kezde, tıisti ákimshilik-aýmaqtyq birlikterdiń jergilikti atqarýshy organdary birlesken sheshim qabyldaıdy.
11. Tıisti ákimshilik-aýmaqtyq birlikterdiń memlekettik veterınarııalyq-sanıtarııalyq ınspektorlary aımaqty belgileýge qajetti negizgi parametrlerdi kórsete otyryp geografııalyq karta júrgizedi.
12. Oblystyń, respýblıkalyq mańyzy bar qalanyń, astananyń jergilikti atqarýshy organy belgilengen aımaqtan syrtqary jerde jańa aýrý oshaǵy paıda bolǵan jaǵdaıda, osy Qaǵıdalardyń 9-tarmaǵyna sáıkes belgilengen aımaqtyń shekarasyn ózgertý týraly sheshim qabyldaıdy.
13. Tıisti ákimshilik-aýmaqtyq birliktiń veetrınarııa salasyndaǵy ýákiletti organy vedomstvosynyń aýmaqtyq bólimshesi aýmaqty aımaqqa bólý júrgizilip jatqan ınfeksııanyń túrine jáne Zańnyń 8-baby 9) tarmaqshasyna sáıkes bekitiletin veterınarııalyq (veterınarııalyq-sanıtarııalyq) qaǵıdalarǵa baılanysty, ár belgilengen aımaq úshin arnaıy veterınarııalyq is-sharalar ázirleıdi.
14. Oblystardyń, respýblıkalyq mańyzy bar qalanyń, astananyń jergilikti atqarýshy organynyń aýmaqty aımaqtarǵa bólý týraly sheshimi arnaıy ákimshilik-aýmaqtyq birliktiń jergilikti atqarýshy organynyń (ákimderiniń) Shekteý is-sharalaryn jáne karantındi belgileý nemese alyp tastaý qaǵıdalaryna sáıkes qabyldaǵan shekteý is-sharalaryn nemese karantındi alyp tastaý sheshimi negizinde alynady.
Oblystyń, respýblıkalyq mańyzy bar qalalardyń, astananyń jergilikti atqarýshy organynyń aýmaqty aımaqtarǵa bólý týraly sheshimi Zańnyń 27-baby 4-tarmaǵyna sáıkes veterınarııa salasyndaǵy ýákiletti organ vedomstvosy belgilegen shekteý is-sharalary alyp tastalǵan soń alynady.
15. Respýblıka aýmaǵynyń mindetti túrde deklarasııalaýǵa jatatyn aýrýlar tizimine engizilgen aýrýlar boıynsha qolaılylyǵyn taný Búkilálemdik janýarlar densaýlyǵyn saqtaý uıymy belgilegen usynymdarǵa, talaptarǵa sáıkes júzege asyrylady.
3. Janýarlardyń asa qaýipti aýrýlarynan bos aýmaqty aımaqtarǵa bólý tártibi
16. Janýarlardyń asa qaýipti aýrýlarynan bos ákimshilik-aýmaqtyq birlikterde olarda júrgiziletin veterınarııalyq is-sharalarǵa (janýarlardy vaksınalaý) baılanysty, olarda vaksınasııalaýmen jáne (nemese) vaksınasııalaýsyz qolaıly aımaq belgilenedi.
17. Veterınarııa salasyndaǵy ýákiletti organnyń vedomstvosy aýmaqty vaksınasııamen qolaıly aımaqqa jáne (nemese) vaksınasııasyz qolaıly aımaqqa bólý úshin:
1) ákimshilik aýmaqtyq birlikte janýar aýrýlarynyń epızootologııasyn ótkizetin veterınarııalyq is-sharany (janýarlardy vaksınalaý) zerdeleıdi;
2) janýarlardyń asa qaýipti jáne ekzotıkalyq aýrýlarynyń enýiniń, týyndaýynyń jáne taralýynyń áleýetti jáne bar qaýipti-qaterlerin taldaıdy.
18. Veterınarııa salasyndaǵy ýákiletti organnyń vedomstvasy osy Qaǵıdalardyń 17-tarmaǵynda kórsetilgen is-sharany ótkizgennen keıin oblystyń, respýblıkalyq mańyzy bar qalalardyń jáne astananyń jergilikti atqarýshy organdaryna, aýmaqty vaksınasııamen qolaıly aımaqqa jáne (nemese) vaksınasııasyz qolaıly aımaqqa bólý týraly usynys engizedi.
Aýmaqty vaksınasııamen qolaıly aımaqqa jáne (nemese) vaksınasııasyz qolaıly aımaqqa bólý sheshimin oblystyń, respýblıkalyq mańyzy bar qalalardyń jáne astananyń jergilikti atqarýshy organdary qabyldaıdy.
19. Vaksınasııamen qolaıly aımaqta jáne (nemese) vaksınasııasyz qolaıly aımaqta veterınarııalyq is-sharalardy veterınarııa salasyndaǵy ýákiletti organ vedomstvosy aıqyndaıdy, eger olar mynalarǵa janasatyn bolsa:
Qazaqstan Respýblıkasynyń memlekettik shekarasyna;
kólik ınfraqurylymy obektilerine (janýarlardy, janýarlardan alynatyn ónimider jáne shıkizatty tıeý jáne túsirý júrgiziletin teńiz porttary, aeroporttar, sondaı-aq temirjol stansııalary);
Aýmaqty vaksınasııamen qolaıly aımaqqa jáne (nemese) vaksınasııasyz qolaıly aımaqqa bólý júrgiziletin aýrý qozdyrǵyshtarymen jumys isteıtin ózge obektilerge.
20. Osy Qaǵıdalardyń 19-tarmaǵynda kórsetilgen jaǵdaılardy qospaǵanda, vaksınasııamen qolaıly aımaqta jáne (nemese) vaksınasııasyz qolaıly aımaqta veterınarııalyq is-sharalardy tıisti ákimshilik-aýmaqtyq birlikterdiń jergilikti atqarýshy organdary aıqyndaıdy.
21. Vaksınasııamen qolaıly aımaqtaǵy jáne (nemese) vaksınasııasyz qolaıly aımaqtaǵy veterınarııalyq is-sharalar Búkilálemdik janýarlar densaýlyǵyn saqtaý uıymynyń, Eýrazııa ekonomıkalyq odaǵy jáne Qazaqstan Respýblıkasynyń zańnamalary normalarymen belgilengen usynystardy jáne (nemese) talaptardy esepke ala otyryp tıisti aýrýǵa qatysty jáne onyń qozdyrǵyshynyń qasıetteri týraly ǵylymı derekter, sondaı-aq qaýip-qater baǵasy arqyly anyqtalady.
Buıryq Qazaqstan Respýblıkasynyń Ádilet mınıstrliginde 2015 jylǵy 12 maýsymda Normatıvtik quqyqtyq kesimderdi memlekettik tirkeýdiń tizilimine №11334 bolyp engizildi.